قصة حياة

جتني ظروف للكدر مستعده
قامت تحدد لي الاحزان ميعاد
مرة مع حظي ومرات ضده
واللي تكدر خاطر القلب تزداد
في دنيا خلقت على الناس نده
مردودها للخير تجرح واجهاد
تجي على المظلوم وتبيح سده
و تجي على الظالم تساهيل وامداد
والصدق فيها ما لقى من يعده
والكذب يلقى له مع الناس شهاد
واللي فقد حق عجز يسترده
يصبح على تسديدة الدين معتاد
ومسكين من راد الزمن يستبده
عيت عليه اقدار الأيام تنقاد
تطرح به الدنيا على القاع مده
مثل الفريسة والمقادير صياد
ضاعت حياته في لحاف ومخده
عدت عليه أيام بغفول ورقاد
وماله عن دروب الوعر من يصده
ولا هو عن دروب السلامات نشاد
تلطمه موجات القدر فوق خده
وتخطي به الخطوة من بلاد لبلاد
حبله قريب وعاجز لا يشده
يحسب جميع الناس قاصيين وبعاد
عاند حياته لو حياته تحده
وأدى سنينه كلها عناد بعناد
إصحى من الغفلة ترى العمر حده
للوقت سجاته وللموت ميعاد
وهذي هي الدنيا تجي مستجده
تلقا بها المازح وتلقا بها الجاد
قصة حياة ومننا مستمدة
ويلزمها تنفيذ وإخراج وإعداد
عشنا على كف القدر فوق يده
الله خلقنا عباد ونفني له عباد
ولا حاصل للحي ماكان وده
ولا حاصل للي يموتون ميلاد
ويكفيني إني من ظلوه الموده
ومالي مع الخسران بالدين مقعاد
وإن جتني الغفلة علي أوقات شدة
أصبح لها صداد والقلب صداد
وتقدير ربي مالنا في مرده