كله بالعكس

والله هيك اللي بصير ولسه حتى
بكون عندك موعد بتصير زحمة سير شي عجبة و لما يكون ما عندك شي تلاقي الشوارع فاضية
ولما بكون عندك شغلة عند أي شخص تنتظره لساعات وبالأخر ما بيجي و لما بكون ما عندك شغلة معه ما بيتحرك من مكانه
والأبشع من هيك انه تكون متضايق وبدك حمام وبتعرف إنه في حمام عمومي بشي مكان قريب وعلى حظك بكون مغلق ومع انه بعمره ما اغلق
والله يا اخ بيير يعني بموضوعك حطيت أيدك على الجرح
ومشكور على هالموضوع ونتأمل منك المزيد

بصراحة هدا الى بصير وما احلى تكون لابس وجاهز تطلع مشوار يجيك ضيف رخم يقعد ويعمل حالو مش منتبه انك طالع و بتخجل تحكى انك لازم تمشى وهيك بيسود وجهك مع جماعتك الى متواعد معهن وهو ولا على بالو اخد راحتو وقاعد يلا هيك حال الدنيا متل ما بيقولو يا قاعدين يكفيكو شر الجايين مشكووووووووووووووووور يا بيييير

السلام عليكم و رحمة الله و بركاته


اذا كنت واقف عم تستنى تكسي بتبلش السرافيس تكفت وانتظر السرفيس ما بيجيك إلا تكاسي صح !!

اي صح

و الله مثل ما قلتوا, كل شي ماشي عكس التيار, يعني مثلا لما تكون انت تعبااااااان موت و بدك تنام بتقول لإخوانك ما حد يزعجني, وبتروح بتسكر على نفسك الغرفة و دقيقة أو أقل ما بتلاقي إلا حد منهم فايت بدوا شي , وما بيلحق يسكره لحتى يجي الثاني و دواليييك, المصيبة أنه في هذيك الساعة بالصدفة بيطلع كل شي بالغرفة, كيف ما بعرف!!!!!!

بس إذا لاحظتوا كمان إحنا بنمشي دائما عكس التيار, رح أحكيلكم كيف
مثلا إذا مشيت جنب سور و كان هناك لافتة كتب عليها (لا تلمس السور مدهون حديثا) , بدون أي مقدمات رح تلمس السور مش لشي بس لأنك ماشي عكس التيار.
و كمان إذا شاف شب منتدى مكتوب عليه للنساء فقط , بدون تردد رح يسجل في هالمنتدى خلال دقيقة بس لأنه ماشي عكس التيار.

و هكذا دوالييك.

موضوع جمييل جدا أخي, يذكرنا بأن ما كل ما نتمناه ندركه.

دمتم بخير

تجري الرياح بما لا تشتهي السفن
شكرا لمرورك و تعليقك أختي منار